Համացանց

«Սասնա ծռեր» կուսակցության մամուլի խոսնակ Վահագն Ավագյանը ֆեյսբուքյան իր էջում գրել է. «Չեմ ճանաչում Ազգային հերոսի կոչմանն արժանացած Սանամյան Ռուբենին: Ոչ ես, ոչ էլ Նիկոլը չենք կարող որոշել՝ ով է հերոս, ով՝ չէ, դա ժողովուրդն է որոշում և ժամանակը ցույց կտա: Քանի որ ժողովրդից թաքցնում են հերոսի նման բարձր կոչմանն արժանանալու պատճառը, մարդիկ ստիպված դատողություններ են անում և այստեղ, բնականաբար, երկու կողմն էլ կարող են ճիշտ և սխալ բաներ ասել:

Մի բան, այնուամենայնիվ, հաստատ է. Նիկոլ Փաշինյանը իրավունք չունի Հայաստանի ազգային հերոսի կոչում շնորհել, քանի որ իր իշխանությունը Հայաստանի Ազգային հերոս Թաթուլ Կրպեյանին սպանող զորախմբի ղեկավարին Հայաստանում ընդունել է պաշտոնական այցի ժամանակ և սրբապղծություն է գործել: Հերոսի պատկերացումներն ամեն մեկիս մոտ տարբեր են: Նիկոլի համար զուտ փիառվելու հերթական դրսևորումն էր»: