Միջազգային

Գերմանիայի Բունդեսթագի Քրիստոնեա-դեմոկրատական և Քրիստոնեա-սոցիալական միության պատգամավոր Ֆլորիան Հանը (Florian Hahn), մեկնաբանելով Ստամբուլում Սուրբ Սոֆիայի տաճարի կարգավիճակի փոփոխությունը, հայտարարել է, որ սա «սադրանք է եվրոպական ընդհանուր մշակույթի հանդեպ»։

Նա կոչ է արել մերժել Թուրքիային Եվրոմիության անդամակցության հարցում։

«Մենք պետք է այս ամենից հետևություններ անենք և նաև քաջություն ունենանք ավարտելու Թուրքիայի՝ Եվրոմիությանն անդամակցելու շուրջ բանակցությունները»,- ասել է Հանը։

Ըստ Bild-ի՝ թուրքական կառավարությունը շարունակում է հեռու մնալ եվրոպական արժեքներից։