Չեխիայի նախագահ Միլոշ Զեմանը տեղական ռադիոկայանին տված հարցազրույցում նշել է, որ քաղաքացիների արտասահման մեկնելու արգելքը պետք է երկարացվի մեկ տարով, որպեսզի կանխվի կորոնավիրուսի նոր բռնկումը, հայտնում է Ceske Noviny-ը:
Ըստ Զեմանի՝ քաղաքացիները չպետք է մեկնեն արտասահման, և ամառային արձակուրդների ընթացքում նրանք պետք է «վայելեն չեխական լանդշաֆտների գեղեցկությունը»: Զեմանը պատմել է, որ նա անձամբ արձակուրդ է մեկնելու երկրի հարավ-արևելքում գտնվող Վիսոչինսկիյ Կրայ: