Խնդրում ենք սպասել...

Հարցազրույցներ

«Տաթևիկ Ռևազյանը ո՛չ մասնագիտական կրթություն ունի, ո՛չ փորձ». Քաղավիացիայի գլխավոր վարչության նախկին պետ

22:50, հինգշաբթի, 09 ապրիլի, 2020 թ.
«Տաթևիկ Ռևազյանը ո՛չ մասնագիտական կրթություն ունի, ո՛չ փորձ». Քաղավիացիայի գլխավոր վարչության նախկին պետ

«Հայաստանն այսօր չունի քաղաքացիական ավիացիա, եղած ավիաընկերությունների թիվը շատ քիչ է, այն էլ դրանց արդեն Եվրոպայում չեն ճանաչում»,- «Արմնյուզ» հեռուստաընկերության «ՕրաԽնդիր» հաղորդմանն ասել է Քաղաքացիական ավիացիայի գլխավոր վարչության նախկին պետ, «Ազգային ավիացիոն միավորում» ՀԿ նախագահ Դմիտրի Աթբաշյանը:
     Ըստ Աթբաշյանի՝ ԵՄ ավիացիոն անվտանգության գործակալության՝ Հայաստանի մասին բացասական զեկույցի համար մեղավոր են և՛ քաղավիացիայի կոմիտեն, և՛ տեղական ավիափոխադրողները. «Ազգային ավիափոխադրող ունենալը միանշանակ ճիշտ մոտեցում է: Քաղավիացիայի կոմիտեի ղեկավար Տաթևիկ Ռևազյանը չի ընդունում դա՝ կարծելով, թե այն ամբողջապես պետք է ֆինանսավորվի պետբյուջեից, մինչդեռ իրականում հակառակն է՝ այն պետք է բյուջեն համալրի լրացուցիչ միջոցներով: Կարելի է զարգացնել գործող ընկերությունները, դրանց մեջ ազգային փոխադրողի պոտենցիալ կա»:
     Փորձագետի խոսքով՝ Տաթևիկ Ռևազյանը ո՛չ մասնագիտական կրթություն ունի, ո՛չ էլ փորձ. «Հանդիպում ունեցել եմ նրա հետ: Ընդհանուր առմամբ դուրս եկավ նրա տրամադրվածությունը, պատրաստակամությունը, բայց նա պետք է մասնագետներին բերի քաղավիացիայի ոլորտ, այլապես կձախողի»,- նշել է նա:

Եթերի ընթացքում Աթբաշյանը նշել է, որ ինքը՝ իբրև հին ավիատոր, պատրաստ է Ռևազյանին խորհուրդներ տալ, թե ինչպես զարգացնել հատկապես փոքր ավիացիան, վերագործարկել Հայաստանի փոքր օդանավակայանները, որոնք կառուցվել են դեռևս խորհրդային տարիներին:

Մանրամասները՝ տեսանյութում:

«Տաթևիկ Ռևազյանը ո՛չ մասնագիտական կրթություն ունի, ո՛չ փորձ». Քաղավիացիայի գլխավոր վարչության նախկին պետ
| | |
14311 | 3
Facebook