Ի՞նչ է խոսում քաղաքը

Քիչ առաջ տեղեկություններ տարածվեցին այն մասին, որ Հայաստանում ոստիկանությունն սկսել է օգտվել «Արտակարգ դրություն»-ից և այցելելով տարբեր ԶԼՄ-ներ՝ ճնշումների միջոցով պահանջում է հեռացնել նյութեր, որոնք նույնիսկ որևէ կերպ չեն առնչվում Կորոնավիրուսի վարակի և դրան առնչվող լուրերի հետ։ Ասում են, որ ժամեր առաջ, ոստիկանությունն այցելել է «Առավոտ» թերթի խմբագրություն և պահանջել հեռացնել մի հրապարակում, որտեղ խոսվում է այն մասին, որ Ռուսաստանում կորոնավիրուսի դեպքերը թաքցվում են։ Համաձայն շրջանառվող լուրերի՝ այս միջադեպը մեծ իրարանցում է առաջացրել հանրության և քաղաքացիական հասարակության շրջանում և դիտարկվել է որպես բռնաճնշում ԶԼՄ-ների նկատմամբ։ Ասում են նաև, որ ոստիկանության անգրագետ ու անիրավաչափ պահվածքը հակասություն ու տարակուսանք է առաջացրել նաև այն առումով, որ վարչապետն անձամբ է հրապարակային հայտարարել, որ «Հայաստանից բացի մյուս պետությունները ոչ իրական տվյալներ են ներկայացնում»։