Սասնա Ծռերի գործով դատական հերթական նիստը հետաձգվեց։ Հաջորդ նիստը կկայանա հունվարի 30-ին: Այս պահին Շենգավիթի դատարանի դիմաց ընթանում է Սասնա Ծռերի աջակիցների ակցիան: «Նորմալ չէ, որ նոր Հայաստանում Արմեն Բիլյանն ու Սմբատ Բարսեղյանը շարունակում են գտնվել կալանքի տակ: Վստահ ենք, որ դատական համակարգի բարեփոխումներին տղաները պետք է սպասեն ազատության մեջ, քանի որ տարիներն ապօրինի կերպով նրանցից խլվում են»,- ասաց աջակիցներից մեկը: