Մոսկվայի հյուսիս արևմուտքում ավտոբուսը մխրճվել է կանգառում կանգնած մարդկանց մեջ, որի հետևանքով կան զոհեր, հաղորդում է Интерфакс-ը:
«Նախնական տեղեկությունների համաձայն՝ ավտոբուսը մխրճվել է կանգառում կանգնած մարդկանց մեջ»,- ասել է գործակալության աղբյուրը:
Աղբյուրի հաղորդմամբ՝ առնվազն 2 մարդ է զոհվել: Ինչպես նաև հայտնի է, որ ավտոբուսի վարորդը ողջ է և լուրջ վնասվածքներ չի ստացել:
Նմանատիպ դեպք էր տեղի ունեցել դեկտեմբերի 25-ին, երբ ավտոբուսը մխրճվել էր գետնանցումի մեջ: Դեպքի հետևանքով 4 մարդ էր զոհվել, ավելի քան 10-ը՝ տուժել: