Այսօր՝ մայիսի 20-ին, Կարեն Դեմիրճյանի անվան մարզահամերգային համալիրում տեղի կունենա Հարութ Փամբուկչյանի (Ձախ Հարութ) հայաստանյան մենահամերգը:
Երկու ժամ անընդմեջ կենդանի հնչողություն, հին ու սիրված երգեր, լուսային շքեղ շոու, ինչպես նաև նոր երգերի պրեմիերաներ ու անակնկալ համարներ:
Հարութ Փամբուկչյանը ծնվել է Երևանում:
Պատանեկությունից հետաքրքրվել է երաժշտական գործիքներով. սովորել է նվագել կիթառ, սազ, բուզուկի, դհոլ, դաշնամուր։ Իր ստեղծած «Էրեբունի» խմբով տարբեր ելույթներ է ունեցել:
1975 թվականին մայրիկի հետ մեկնել է Լիբանան, իսկ մեկ տարի անց տեղափոխվել ԱՄՆ և հաստատվել Լոս Անջելեսում, որտեղ շարունակել է երաժշտական գործունեությունը։
Մականվան «Ձախ» բառը գալիս է Հարութ Փամբուկչյանի ձախլիկ լինելուց: