Իրադարձություններ

Պետական եկամուտների կոմիտեն ահազանգել է, որ առկա են մի շարք բացասական երևույթներ. «Դրանք են` իրացման շրջանառությունների և գների, աշխատողների թվաքանակի, վարձատրությունների մեծությունների թերհայտարարագրում, առանց հաշվարկային փաստաթղթերի ապրանքների մատակարարում, ծախսերի ուռճացում, ՀԴՄ կտրոնների շահագործման կանոնների խախտում»: Խախտումները վերացնելու համար վարչապետը ՊԵԿ նախագահին հանձնարարել է հսկողություն սահմանել` կիրառելով ՀՀ օրենսդրությամբ նախատեսված գործիքակազմ: «Ինձ պետք է յուրաքանչյուր եռամսյակ տեղեկություն ներկայացնեք արձանագրված խախտումների վերաբերյալ և պարբերաբար հրապարակեք խախտումներ թույլ տված հարկ վճարողների տվյալները»: