Անհայտ կենդանու գանգ են հայտնաբերել Քալիֆորնիայի հասարակական այգում, գրում է The Daily Mail-ը: Առայժմ անհայտ է, թե ում են պատկանում մնացորդները, գիտնականները ենթադրում են, որ դրանք կարող են մամոնտի լինել:
Ըստ նախնական տվյալների` գտածոյի տարիքն առնվազն 30 հազար տարի է: Ընդ որում, ըստ պալեոնթոլոգների, կենդանին սատկել է գլոբալ սառեցման հետևանքով: Սա Հյուսիսային Ամերիկայի ողջ տարածքում նմանատիպ ամենահին գտածոն է:
Գիտնականներին մինչ այժմ չի հաջողվում հաստատապես ասել, թե ում է պատկանում գանգը, և եթե իրոք մամոնտի է, ապա ինչու այն չի համապատասխանում նախկինում Երկրի վրա հայտնաբերված մամոնտների գանգերից և ոչ մեկին: