Թուրքիայի կողմից ռուսական «Սու 24» ինքնաթիռը խոցելուց հետո ՌԴ Պետդումայի փոխոսնակ Նիկոլայ Լևիչևն առաջարկել է դադարեցնել ավիահաղորդակցությունը Թուրքիայի հետ:
Թուրքիայի ազգային ավիափոխադրող «Turkish Airlines»-ը ներկա պահին Ստամբուլից և թուրքական այլ քաղաքներից չվերթներ է իրականացնում մի շարք բնակավայրերի վրայով, որոնք գտնվում են ահաբեկչական սպառնալիքի գոտում: Այդ նույն ավիաընկերությունը չվերթներ ունի նաև դեպի ռուսական մի քանի քաղաքներ, ասվում է Լևիչևի հայտարարության մեջ:
Հիշեցնենք, որ նոյեմբերի 6-ից Ռուսաստանը դադարեցրել է ավիահաղորդակցությունը Եգիպտոսի հետ, իսկ Եգիպտոսում գտնվող ռուս զբոսաշրջիկներին հատուկ չվերթներով հետ են վերադարձրել հայրենիք: