Աշխարհի ամենաթանկ ուտեստների 10-յակը
22:01, կիրակի, 01 մարտի, 2015 թ.
Սպիտակ և սև գետնասունկ: Այս բացառիկ սունկի 450 գրամը գնահատվում է 4200-10 հազար դոլար: Այս գետնասունկի ամբողջական կտորն աճուրդում վաճառվել է 330 հազար դոլարով:
Սունկ Մացուտակե: Այս սունկն իր համով նման է մսի, սակայն այս նրբուտեստի 1 կիլոգրամը 90-ից 2 հազար դոլար արժե:
Աղանդեր Քնիշիլդա: Այս աղանդերը պատրաստված է սև շոկոլադից և բացառիկ սև գետնասնկից: Այն համտեսելու համար պետք է վճարել առնվազն 2600 դոլար:
Ձմերուկ դենսուկե: Այն արտաքինից գրեթե նման չէ ձմերուկի: Ձմերուկի այս տեսակն աճեցվում է Ճապոնիայի Հոկայդո կղզում: Դրա 1 հատը 6000 դոլար արժե:
Սեխ յուբարի: Ճապոնական Հոկայդո կղզում է աճում նաև աշխարհի ամենաթանկ սեխը: Դրա մեկ կտորը մոտ 150 դոլար արժե:
Ուտելու ոսկի: Այս ուտեստն իրականում ոչ համ, ոչ էլ հոտ ունի: Իր գնի համար այն պարտական է իր տեսքին. որ ոչնչով չի տարբերվում ոսկուց: Ուտելու ոսկու 1 կիլոգրամն արժե 33-110 հազար դոլար:
Քրքում: Հնդկական այս բացառիկ համեմունքի 1 կիլոգրամն արժե 500-5 հազար դոլար:
Մարմարյա միս: Այս տեսակի միս ստանալու համար Ճապոնիայում հատուկ ցեղատեսակի կովեր են բուծվում: Այդ կովերին սնում են հատընտիր խոտով ու գարեջուր խմեցնում: Նման մսի 1 կիլոգրամը 770 դոլար է:
Իրանյան թառափի ձկնկիթ: Այս թառափն ապրել է անգամ դինոզավրերի ժամանակաշրջանում: Այս ձկնկիթի 450 գրամը գնահատվում է 8400- 15500 դոլար:
Ապուր թռչնաբնից: Չինական այս ապուրը պատրաստվում է ջրածիծառի բներից: Այս ապուրի 450 գրամը գնահատվում է 910-4535 դոլար:
22461 | 0
