«Եթե վիճակագրությունն ուսումնասիրենք, անհամեմետ ավելի քիչ ա էս երկրում բժշկական սխալ միջամտության արդյունքում քրեական կամ նյութական պատասխանատվության ենթարկած լինելու դեպքերը, քան ձեր բերածը»,- ԱԺ պետաիրավական հարցերի մշտական հանձնաժողովի նիստի ժամանակ, անդրադառնալով Քրեական օրենսգիրքը նոր հոդվածով լրացնելու
նախագծին, ասել է Աժ «Ծառուկյան» խմբակցության պատգամավոր Գևորգ Պետրոսյանը:
Հիշեցնենք՝ խոսքը բուժաշխատողների գործունեությանը խոչընդոտելը քրեականացնելու մասին է:
Առաջարկվում է սահմանել, որ բուժաշխատողների մասնագիտական գործունեությանը խոչընդոտելը պատժվում է տուգանքով՝ նվազագույն աշխատավարձի հարյուրապատիկից երկուհարյուրապատիկի չափով:
Նույն արարքը, որը կատարվել է կյանքի կամ առողջության համար վտանգավոր բռնություն գործադրելով կամ դա գործադրելու սպառնալիքով, պատժվում է ազատազրկմամբ՝ երեքից յոթ տարի ժամկետով:
«Ոչ մեկ չի փառաբանում բժիշկներին ծեծողներին: Իմ ասածն այն է, որ օրինակ, հարազատն է, բարեկամն է, հոգեբանական վատ վիճակում կարող է մոտենալ բժշկին, ասել՝ խնդրում եմ, լավ սրսկի, շուռ գան, ասեն՝ բժշկի գործունեությանը խոչընդոտում ես, վեկալեն, տանեն պատասխանատվության»,- հավելեց պատգամավորը: