ԱՄՆ նախագահ Դոալդ Թրամփի դուստր և խորհրդական Իվանկա Թրամփը մեծ ազդեցություն է ունեցել հոր վրա՝ սիրիական ավիաբազայի վրա հրթիռային հարձակման մասին որոշումը կայացնելիս։ Այս մասին հաղորդում է The Independent-ը՝ վկայակոչելով իրադրությանը ծանոթ աղբյուրներին։
Պարբերականը հայտնում է, որ Վաշինգթոնում Մեծ Բրիտանիայի դեսպան Քիմ Դարրոքը փաստաթուղթ է ուղարկել երկրի վարչապետ Թերեզա Մեյին և ԱԳ նախարար Բորիս Ջոնսոնին, որտեղ ասվում է, որ կառավարական զորքերի կողմից Սիրիայում իրականացված քիմիական հարձակումը «խորապես ցնեցել է» Դոնալդ Թրամփին:
Փաստաթղթում նշվել է նաև, որ Թրամփի դուստրն` Իվանկա Թրամփը, ևս ցնցված է եղել Սիրիայի Հան-Շեյխ քաղաքում գազային հարձակման զոհերի ու վիրավորների ժապավաններից։
Համաձայն աղբյուրների՝ հենց Իվանկայի դիրքորոշումն է լուրջ ազդեցություն է ունեցել Սպիտակ տան Օղակաձև աշխատասենյակում կայացված որոշման վրա, և ԱՄՆ-ի արձագանքը «ակնկալվածից ուժեղ է եղել»։
Հարկ է նշել, որ ԱՄՆ կողմից «Շայրաթ» ավիաբազան հրթիռակոծելուց հետո Իվանկա Թրամփը գրառում է կատարել թվիթերյան իր էջում` նշելով, որ հպարտանում է իր հորով, ով նման որոշում է կայացրել: