17-ամյա ամերիկացի Սանթոս Քալոնը խոստովանել է, որ 2015թ. մտադիր է եղել սպանել Հռոմի պապ Ֆրանցիսկոսին, երբ վերջինն այցելել է ԱՄՆ: ԱՄՆ Արդարադատության նախարարությունը հայտնել է, որ Քալոնը մտադիր է եղել պայթուցիկ նյութեր ձեռք բերել, որպեսզի ինքնաշեն ռումբեր պատրաստի և տեղադրի դրանք քաղաքի տարբեր հատվածներում: Նա նաև խոստովանել է, որ Հռոմի պապին սպանելու համար փորձել է մարդասպան վարձել, սակայն պարզվել է, որ վարձու մարդասպանը ՀԴԲ գաղտնի գործակալ է եղել:
Անչափահասը ձերբակալվել է, նրա նկատմամբ պատժաչափ դեռևս չի սահամանվել: ԱՄՆ օրենսդրությամբ, սակայն, նման հանցանքի համար անչափահասներին մինչև 15 տարվա ազատազրկում և 250 հազար դոլարի տուգանք է սպառնում: