Միացյալ Նահանգները հայտարարել է, որ Մոսկվայի գործողությունները Սիրիայում հանգեցրել են նրան, որ Ժնևում երկուշաբթի մեկնարկած սիրիական հակամարտության բանակցությունները հետաձգվել են մինչև փետրվարի 25: Այս մասին գրում է BBC-ն:
Աղբյուրը նշում է, որ բանակցություններն ընդհատելու և դրանք ամսվա վերջ տեղափոխելու մասին երեկ հայտարարել է ԱՄԿ-ում Սիրիայի հակամարտության հարցերով հատուկ ներկայացուցիչ Ստեֆան դե Միստրուան:
Ավելի վաղ հաղորդվել էր այն մասին, որ սիրիական բանակը ռուսական օդուժի օգնությամբ հարձակումներ էր սկսել Հալեպի մոտակայքում ընդդիմադիր զինյալների դիրքերի վրա: Վաշինգթոնն այդ առիթով հայտարարել է, որ այդ գործողությունները փաստում են այն մասին, որ ՌԴ-ը Սիրիային օգնում է պայքարել ոչ միայն ԴԱԻՇ-ի ահաբեկիչների, այլև ընդդիմադիր զինյալների դեմ: «Ընդհանրապես դժվար է պատկերացնել, թե ինչպես կարող է խաղաղ բնակիչների վրա հարձակվելն օգուտ տալ հակամարտության խաղաղ կարգավորմանը: Մենք շարունակում ենք տեսնել ՌԴ օդուժի ավիահարվածները Հալեպի և դրա շրջակա տարածքների ուղղությամբ, սակայն դրանք ուղղված են ոչ թե ԴԱԻՇ ահաբեկիչների դիրքերի ուղղությամբ, այլ սիրիական ընդդիմության վրա»,- նշել է ԱՄՆ Պետդեպարտամենտի ներկայացուցիչ Ջոն Քիրբին: