Ֆրանսիայի իշխանությունները կարողացել են բացահայտել այն անձի ինքնությունը, ով ահաբեկչություն էր իրականացրել այսօր առավոտյան՝ հարձակվելով Լիոն քաղաքից 20 կմ հեռավորության վրա գտնվող քիմիական գործարաններից մեկի վրա: Այս մասին հաղորդում է «La Parisien»-ը:
Աղբյուրը հիշեցնում է, որ գործարանի վրա հարձակման արդյունքում մեկ մարդ մահացել էր, մի քանիսը վիրավորվել էին: Սակայն ավելի ուշ պարզ էր դարձել, որ այդ մարդը գործարանում իրականացված պայթյունի հետևանքով չէր մահացել. հավանաբար նրան նախապես գլխատել էին և հետո միայն բերել դեպքի վայր:
Հաղորդվում է նաև, որ կատարված իրադարձությունների պատճառով Ֆրանսիայի նախագահ Ֆրասուա Օլանդը շտապ վերադառնում է Բրյուսելում ընթացող Եվրոմիության գագաթնաժողովից: Ֆրանսիա գալուց անմիջապես հետո Օլանդը պատրաստվում է Անվտանգության խորհրդի նիստ գումարել, որից հետո հայտարարությամբ հանդես գալ ԶԼՄ-ների համար: