Ղազախստանն իրական չի համարում ԵՏՄ տարածքում Միասնական արժույթի ստեղծումը: Ինչպես հաղորդում է «ԷլԷս»-ը, այդ մասին հայտարարել է Ղազախստանի էկոնոմիկայի փոխնախարար Թիմուր Ժակսիլիկովն Աստանայում կայացած ճեպազրույցի ժամանակ: «Ղազախստանը հստակ ու հետևողական դիրքորոշում ունի ԵՏՄ շրջանակներում միասնական արժույթի ներմուծման բացառման հարցի վերաբերյալ»,- ասել է Ժակսիլիկովը: Նա նաև տեղեկացրել է, որ արժութային միություն ստեղծելու վերաբերյալ ծրագրեր չեն մշակվում: