Աշխատանքային այցով Միացյալ Նահանգներ մեկնած Վրաստանի արտգործնախարար Թամարա Բերուչաշվիլին հայտարարել է, որ Վրաստանը չի պատրաստվում դադարեցնել Ռուսաստանի հետ առևտրատնտեսական հարաբերությունները: Այս մասին հաղորդում է «ՏԱՍՍ»-ը:
«Այն, որ 2014թ. այս կողմ «Աբաշիձե-Կարասին» ձևաչափով հանդիպում չի եղել, դեռ չի նշանակում, որ Վրաստանը դադարեցրել է կամ պատրաստվում է դադարեցնել Ռուսաստանի հետ առևտրատնտեսական հարաբերությունները: Այդ հարաբերություններն ընթանում են իրենց բնականոն հունով»,- հայտարարել է Վրաստանի արտգործնախարարը:
Նշենք, որ ավելի վաղ լրատվամիջոցներում տեղեկություն էր տարածվել, թե իբր Բերուչաշվիլին հայտարարել է, որ Վրաստանը դադադրեցրել է Ռուսաստանի հետ առևտրային հարցերի շուրջ երկխոսությունը, քանի որ այն այլևս անիմաստ և անարդյունավետ է համարում: