Իրադարձություններ

Տավուշի թեմի առաջնորդ Բագրատ Սրբազանը, պատասխանելով իրեն վերագրվող պիտակավորումներին, մասնավորապես՝ այլ երկրի շահերը ներկայացնելու և Ռուսաստանի գործակալ լինելու մեղադրանքներին, ասել է․ «Այդ պիտակավորումներն ինձ անձնապես չեն խանգարում, նրանց նպատակն է, ինձ և շարժման հետ ասոցացվող մարդկանց պիտակավորելով, վարկաբեկել այս շարժումը։ Մենք դա թույլ չենք տալու, այդ մարդիկ անպատասխան չեն մնալու։ Մեր երկրում չի կարող լինել մարդ, որը որևէ վերագրում, անպատասխանատու հայտարարություն կանի և կմնա անպատասխան»,- նշել է Բագրատ Սրբազանը՝ շնորհակալություն հայտնելով բոլոր նրանց, ովքեր այս օրերին սեփական նախաձեռնությամբ իրենց անհամաձայնությունն են հայտնում սահմանազատման գործընթացի դեմ։