Խնդրում ենք սպասել...

Թերթերի տեսություն

Երևանի նախկին քաղաքապետ Հայկ Մարությանը հասել է դատարան. հայց՝ քաղաքապետարանի և ՆԳՆ-ի դեմ. «Ժողովուրդ»

09:06, չորեքշաբթի, 15 մայիսի, 2024 թ.
Երևանի նախկին քաղաքապետ Հայկ Մարությանը հասել է դատարան. հայց՝ քաղաքապետարանի և ՆԳՆ-ի դեմ. «Ժողովուրդ»

«Ժողովուրդ» օրաթերթը գրում է. «Մինչ հանրապետությունում քաղաքացիները, Բագրատ Սրբազանի գլխավորությամբ, «Տավուշը հանուն հայրենիքի» ակցիայի ամենօրյա պայքարի մեջ են, քննարկվում է մեր երկրի վաղվա գոյության հարցը, Երևանի նախկին քաղաքապետ Հայկ Մարությանը քաղաքապետարանի շենք մտնելու հարցն է դատարանում վիճարկում:
     Մեզ հայտնի դարձավ, որ մայիսի 13-ին Երևանի նախկին քաղաքապետ, «Նոր ուժ» կուսակցության ղեկավար Հայկ Մարությանը դատի է տվել Երևանի քաղաքապետարանին և Ներքին գործերի նախարարությանը:
     Ըստ մեր տեղեկությունների՝ Հայկ Մարությանը պահանջում է, որ դատարանը 09.10.2023 թ. թիվ 3179-Ա, ՀՀ ՆԳՆ ոստիկանության ՊՊԳՎ ԿՕ եւ ՀՁՊ գնդի 09.10.2023 թ. թիվ 63-Ա համատեղ հրամաններն անվավեր ճանաչի և հայցվորի՝ Երևանի քաղաքապետարան մուտք գործելու արգելանքը վերացնի:
     Հիշեցնենք, որ մարտի 12-ին Երևանի քաղաքապետարանի շենքի դիմաց հավաքվել էին մեծ թվով քաղաքացիներ, որոնք դեմ էին տրանսպորտը թանկացնելուն։ Նրանց թվում էր նաև Երևանի նախկին քաղաքապետ Հայկ Մարությանը, որին թույլ չէին տվել մուտք գործել շենք: Գործը մակագրվել է դատավոր Հերմինե Մուրադյանին»։

1525 | 0
Facebook