Իրադարձություններ

Գլխավոր դատախազությունը պահանջ է ներկայացրել՝ ԲՀԿ առաջնորդ Գագիկ Ծառուկյանից ու նրան փոխկապակցված անձանցից՝ հօգուտ Հայաստանի, բռնագանձել 79 անշարժ գույք, 42 տրանսպորտային միջոց, չնույնականացված 8 տրանսպորտային միջոցների ձեռքբերման արժեք՝ 349 միլիոն դրամի չափով, զիջված պահանջի իրավունքի գումար՝ շուրջ 33,5 միլիոն դրամ, 10 անշարժ գույքի շուկայական արժեք, 39 իրավաբանական անձում բաժնեմաս ու բաժնետոմս, ավելի քան 63,3 միլիարդ դրամին համարժեք փոխառությունների պահանջի իրավունք, 12 ֆիզիկական և իրավաբանական անձանց տրամադրված փոխառությունների գումարի չափ՝ ավելի քան 16,8 միլիարդ դրամին համարժեք և ավելի քան 86 միլիարդ 480 միլիոն դրամի բռնագանձման պահանջ, որը հանդիսանում է ապօրինի ծագում ունեցող գույքի օգտագործումից ստացված եկամուտների և օրինական եկամուտներով չհիմնավորվող վճարումների, փոխանցումների ու այլ ելքերի հանրագումար։
     Այս մասին ԱԺ-ում՝ դատախազության 2023 թվականի գործունեության հաղորդման քննարկման ժամանակ, հայտնեց ՀՀ գլխավոր դատախազ Աննա Վարդապետյանը։