Խնդրում ենք սպասել...

Միջազգային

«Ցանկանում են Հայաստանին զրկել ազգային ամեն ինչից»․ Զախարովա

14:00, հինգշաբթի, 18 ապրիլի, 2024 թ.
«Ցանկանում են Հայաստանին զրկել ազգային ամեն ինչից»․ Զախարովա

Երևանում վստահեցնում էին, որ Արևմուտքի երկրների հետ համագործակցությունն ուղղված չէ երրորդ երկրների դեմ, այս մասին ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։

«Ե՛վ Վաշինգթոնը, և՛ Բրյուսելը նպատակ ունեն խզելու Հայաստանի և Ռուսաստանի միջև կապն ինչպես անվտանգության, այնպես էլ տնտեսության ոլորտում։ Արևմտամետները ձգտում են նաև լարվածություն մտցնել հարևան երկրների՝ Հայաստանի, Ադրբեջանի, Վրաստանի, Իրանի, Ռուսաստանի, Թուրքիայի միջև, որքան էլ գեղեցիկ խոսքեր ասեն հոգատարության, խաղաղության մասին։ Հայաստանը դարձել է գործիք, որի օգնությամբ ԱՄՆ-ն ու ԵՄ-ն ցանկանում են մեծ բռնկում հրահրել։ Չեն կարողանում ո՛չ հաշտեցնել, ո՛չ կարգավորել, ո՛չ կանգնեցնել արյունահեղությունը։ Միամտություն է կարծել, թե Արևմուտքը կուժեղացնի Հայաստանի պաշտպանունակությունը, կբարձրացնի սահմանային անվտանգությունը, կապահովի Հայաստանի տնտեսական բարգավաճումը։ Հակառակը, ցանկանում են Հայաստանին զրկել ազգային ամեն ինչից՝ ազգային պաշտպանությունից, ազգային տնտեսությունից, ազգային էներգետիկայից»,- ասել է Զախարովան։

3236 | 0
Facebook