Մեղրիի արևափայլ ջերմությունը Լոռիում
00:36, կիրակի, 17 մարտի, 2024 թ.
 Վանաձորի Լոռի-Փամբակ երկրագիտական թանգարանում բացվել է ժամանակավոր ցուցադրություն, որտեղ ներկայացվել են Մեղրի քաղաքի Սուրբ Հովհաննես-Անապաստանաց վանքի տարածքում վերջին տարիներին իրականացված պեղումների արդյուքում հայտնաբերված հնագիտական գտածոները։  Մեղրիի հնագիտական գտածոները «Մեղրիի արևափայլ մշակույթը Լոռիում» խորագիրը կրող այս ցուցադրությամբ հնարավորություն է ստեղծվել Հայաստանի ծայր հարավի մշակույթը ներկայացնել լոռեցիներին։ Ներկայացված ցուցանմուշները այս քանակությամբ առաջին անգամ են ցուցադրվում, քանի որ Մեղրի քաղաքը թանգարան չունի։  Մեղրիի հնագիտական գտածոները  Մեղրիի հնագիտական գտածոները Ցուցադրվում է գտածոների հիմնական մասը՝ 60 ցուցանուշից ավելի, մնացած մասը վերականգնման փուլում է։ Ցուցադրվում են մետաղից առարկաներ, ջահի մասեր, ջնարակված սպասք, խեցեղեն, ուլունքներ, աշտանակներ, երաժշտական գործիքներ և այլն։  Մեղրիի հնագիտական գտածոները. ծնծղա  Մեղրիի հնագիտական գտածոները  Մեղրիի հնագիտական գտածոները Թեև Մեղրիի Անապաստանաց վանքը հիշատակվում է 13-րդ դարից, սակայն այսօր կանգուն եկեղեցին, գավիթը և տնտեսական շինությունների մնացորդները պատկանում են ուշ միջնադարին։ Վանքի տարածքում հայտնաբերված գտածոների մեջ հատկապես բացառիկ է ամբողջականորեն պահպանված ծնծղան, որի մակերեսին շրջանաձև փորագրված է հիշատակային միատող արձանագրություն։ Հայտնաբերված խեցեղենի մեջ հատկապես ուշագրավ են ջնարակված քրեղանների, թասերի, պնակների բեկորները, որոնք աչքի են ընկնում իրենց գունային բազմազանությամբ և նախշազարդերի առատությամբ։  Մեղրիի հնագիտական գտածոները  Մեղրիի հնագիտական գտածոները Վանքի տարածքում պեղումներն իրականացվել են 2016-2020 թվականներին՝ «Երկիր և Մշակույթ» համազգային կազմակերպության հովանավորությամբ։  Մեղրիի հնագիտական գտածոները  Մեղրիի հնագիտական գտածոները |
4982 | 0
