Միջազգային

Մոսկվայի Բասմանի դատարանը ադրբեջանցի ըմբիշ Ջաբար Յուսիֆին դատապարտել է 3 տարի 2 ամիս ազատազրկման՝ ապօրինի զենք պահելու համար, հաղորդում է ՏԱՍՍ-ը։
     «Դատարանը Յուսիֆ Ջ.Ա. Օ.-ին մեղավոր է ճանաչել 222-րդ հոդվածի 2-րդ մասով (հրազենի, դրա հիմնական մասերի, զինամթերքի ապօրինի իրացում), և նրա նկատմամբ պատիժ է նշանակել երեք տարի, երկու ամիս ժամկետով ազատազրկումը»,-հայտնել է դատարանը։
     Ճանապարհային ոստիկանության աշխատակիցները փորձել են կանգնեցնել նրա ավտոմեքենան՝ փաստաթղթերը ստուգելու համար։ Սակայն ոստիկանության աշխատակիցների ցուցումներն անտեսելով՝ վարորդը թողել է ավտոմեքենան և փորձել փախուստի դիմել: Իրավապահները ստիպված են եղել կրակ բացել։ Ստուգման ընթացքում պարզվել է, որ բերման ենթարկվածը ծնունդով Ադրբեջանից Ջաբար Յուսիֆն է, որը գտնվում է Ինտերպոլի հետախուզման բազայում: Ռուսաստանը նրան որոնում էր ապօրինի զենք պահելու, Ուկրաինան՝ դիտավորյալ սպանության համար։