Ռուսաստանի նախագահ Վլադիմիր Պուտինը նստավայր ունի Ռուսաստանի հյուսիս-արևմուտքում՝ Կարելիայում, Ֆինլանդիայի հետ սահմանից ընդամենը 30 կմ հեռավորության վրա: Պալատի մասին հայտնի է դեռևս 2016 թվականից, սակայն մինչ օրս այն չի հայտնվել ո՛չ լուսանկարներում, ո՛չ տեսանյութերում, գրում է գերմանական Bild պարբերականը:
Նստավայրին կարելի է հասնել միայն նավով կամ ուղղաթիռով: Վայրէջքի հարթակը գտնվում է հսկայական շենքի հետևում: Տեղի բնակիչները լրագրողներին հայտնել են, որ Պուտինն առնվազն տարին մեկ անգամ այցելում է Կարելիայի իր պալատ:
Դրոնով արված կադրերում երևում է ձկնաբուծարանը, որի արտադրանքը, հավանաբար, առկա է Պուտինի ճաշացանկում նրա այցերի ժամանակ: Գլխավոր շենքում կա ճաշասենյակ՝ 200 քմ մակերեսով։ Նստավայրի տարածքում կա նաև 4 մետրանոց ջրվեժ։
Անվտանգության դաշնային ծառայության աշխատակիցները շուրջօրյա հսկում են պալատի հարևանությամբ գտնվող տարածքը: Երբ Պուտինը գալիս է նստավայր, պաշտպանությունն զգալիորեն ուժեղանում է։