«Հայաստան» խմբակցության պատգամավոր Գեղամ Մանուկյանը լրագրողների հետ ճեպազրույցում անդրադարձել է Գեղարքունիքի մարզում տեղակայված զորամասի ինժեներասակրավորային վաշտի կացարանում 15 զինծառայողի կյանք խլած հրդեհի դեպքին. «Էդքան հազար երեխու կյանքը իշխանության վրա չազդեց, 15 երեխու կորուստը ո՞նց կազդի: Ողբերգություն էր եղել, որի դեպքի վայրում բարձրաստիճան ղեկավարությունը՝ Պաշտպանության նախարարի գլխավորությամբ, չկար: Երեկ առավոտյան Պաշտպանության նախարարը սափրվել էր, փողկապը կապել, կոստյումը հագել, իր նոր գնված բավականին թանկարժեք բնակարանից եկել, հասել էր Կառավարության նիստին. սրանք հասկանո՞ւմ են ողբերգության ծավալը: Որևէ մեկին չեմ ուզում պաշտպանել, բոլորը պատասխանատու են, ամեն մեկը իր տեղում, բայց կա քաղաքական պատասխանատվություն»,- համոզմունք է հայտնել Մանուկյանը: