Թուրքիայի նախագահ Ռեջեփ Թայիփ Էրդողանը «Մոսկվա. Կրեմլ. Պուտինը» հաղորդաշարի եթերում ասել է, որ Ռուսաստանին մեկուսացնելու արևմտյան քաղաքականությունը շատ լուրջ հետևանքների կբերի եվրոպական երկրների համար։
«Գինն անսահման կլինի»,- ասել է Թուրքիայի ղեկավարը։
Էրդողանը նաև նշել է, որ «Եվրոպան ավելի ու ավելի թանկ է վճարում այս գինը, և Լեհաստանը՝ նրա հետ մեկտեղ»։
Ավելի վաղ Թուրքիայի նախագահն ընդգծել էր, որ Արևմուտքը՝ ԱՄՆ-ի գլխավորությամբ, գործնականում առանց սահմանափակումների հարձակվում է Ռուսաստանի վրա։ Սրա պատճառով Մոսկվան ստիպված է դիմադրել։
Նա ոչ պատահական է անվանել Ռուսաստանի գործողությունները Ուկրաինայում, քանի որ դրան նախորդել են ՆԱՏՕ-ի քայլերը։
Կիրակի օրը ամերիկյան The New Yorker ամսագրին տված հարցազրույցում ամերիկացի հայտնի քաղաքագետ, Չիկագոյի համալսարանի պրոֆեսոր Ջոն Միրշայմերն ասել է, որ ուկրաինական ճգնաժամի առաջացման ողջ պատասխանատվությունը կրում են Միացյալ Նահանգները և նրա դաշնակիցները։ Նրա խոսքով, հատուկ գործողության մեկնարկի պատճառ են հանդիսացել ՆԱՏՕ-ի ընդլայնման միջոցով Մոսկվային անկյուն քշելու արևմտյան երկրների փորձերը։