Մեծ Բրիտանիան համաձայնել է տարեկան լրացուցիչ 10 միլիոն եվրո վճարել Ֆրանսիային՝ որպես միգրացիայի վերահսկման վերանայված համաձայնագրի մաս:
Այս համաձայնագրի հիմնական նպատակն է՝ կասեցնել անօրինական միգրանտների՝ նավերով ծովով Բրիտանիա հասնելու փորձերը։
Այս տարվա սկզբից Լա Մանշի վրայով արդեն Բրիտանիա է ժամանել գրեթե 42 հազար անօրինական միգրանտ, անցյալ տարի՝ 28526։
Նոր համաձայնագրի շրջանակներում Մեծ Բրիտանիան կավելացնի Ֆրանսիայի տարեկան վճարումները՝ ընդհանուր գումարը հասցնելով 75 միլիոն եվրոյի: Այդ միջոցները կօգտագործվեն ֆրանսիական ափին պարեկային հսկողությունն ուժեղացնելու, անօդաչու թռչող սարքերի և գիշերային տեսողության սարքեր ձեռք բերելու և ֆրանսիական կողմում միգրանտների տեղավորման կենտրոնների ընդլայնման համար: