ԱՄՆ պետքարտուղար Էնթոնի Բլինքենը սեպտեմբերի 15-ին հեռախոսազրույց է ունեցել Հայաստանի վարչապետ Նիկոլ Փաշինյանի հետ։ «Պետքարտուղարը վերահաստատել է Միացյալ Նահանգների պատրաստակամությունը՝ օգնելու Հայաստանին և Ադրբեջանին խաղաղ ճանապարհով լուծել խնդիրները»,- այս մասին հայտնել է Պետդեպարտամենտի մամուլի ծառայությունը։
Բլինքենի և Փաշինյանի հեռախոսազրույցն արդեն երկրորդն է՝ վերջին օրերի ընթացքում։
Նշվել է, որ ստեղծված իրավիճակից դուրս գալու միակ ելքը դիվանագիտական ճանապարհն է։ Բլինքենը վստահեցրել է, որ շարունակելու է անձամբ զբաղվել այդ հարցով։