Խնդրում ենք սպասել...
Այսօր`  հինգշաբթի, 27 հունվարի, 2022 թ.
Օդնոկլասնիկի

Համացանց

«Հրաժարվել եմ հաշմանդամ համարել առյուծ կերպարներին, որոնք ձեռնոց են նետել փորձություններին»․ Սեյրան Օհանյան

15:06, ուրբաթ, 03 դեկտեմբերի, 2021 թ.
«Հրաժարվել եմ հաշմանդամ համարել առյուծ կերպարներին, որոնք ձեռնոց են նետել փորձություններին»․ Սեյրան Օհանյան

«Հայաստան» խմբակցության ղեկավար Սեյրան Օհանյանը ֆեյսբուքյան իր էջում գրել է․ «Դեկտեմբերի 3-ը Հաշմանդամների միջազգային օրն է
     Ես մշտապես հրաժարվել եմ հաշմանդամ համարել այն առյուծ կերպարներին, որոնց մարմնի արարչաստեղծ կատարելությունը թեև խաթարվել է, սակայն նրանք շարունակել են ձեռնոց նետել փորձություններին, մրցել ու հաղթել, իսկ երբ անհրաժեշտ է եղել, զենքը ձեռքին, կանգնել են առաջնագծում, մարտական գործողությունների ամենաթեժ կետերում ու պայքարել են հանուն Հայրենիքի:
     Եվ քանի դեռ նրանց կյանքում պայքարն է շարժիչ ուժը, նրանք այն լուսավոր ուժը կլինեն, որ սովորեցնում է նորովի ընկալել ապրելու իմաստն ու գեղեցկությունը:
     Ի սրտե շնորհավորելով ՀՀ հաշմանդամային սպորտի Ֆեդերացիայի մարզիկներին բոլոր հաղթանակների կապակցությամբ՝ այն վստահ համոզմունքն ունեմ, որ նրանց անկոտրում ոգին և կամքի ուժը նոր բարձունքներ են նվաճելու՝ հաղթական բարձրացնելով հայոց եռագույնը:
     Զորակցությունս եմ հայտնում բոլոր հաշմանդամներին՝ առողջություն և տոկունություն, իրական երջանկություն մաղթելով նրանց»:

Աղբյուրը` Սեյրան Օհանյան
| | |
2962 | 0
Facebook