Ինչպես արդեն հայտնել ենք, կիրակի օրը 6,3 և 6,4 մագնիտուդ ուժգնությամբ 2 ուժգին երկրաշարժ է տեղի ունեցել Իրանի հարավային Հորմոզգան նահանգում: Երկրաշարժերի հետևանքով զոհվել է մեկ մարդ, իսկ տուժածների թիվը հասել է 99-ի։ Տուժած տարածքում տեղի են ունեցել հոսանքազրկումներ և հեռահաղորդակցության խափանումներ։
Երկրաշարժի հետևանքով փլուզվել է Գնու լեռան մի մասը: Սա բնական արգելոցի մի հատվածն է, որը հայտնի է ջերմային աղբյուրներով: Ականատեսները նկարահանել են՝ ինչպես է երկրաշարժն առաջացնում սողանք: