Իրադարձություններ

Հայաստանում ԻԻՀ դեսպան Աբբաս Բադախշան Զոհուրին այսօր՝ լրագրողների հետ զրույցում անդրադարձել է Գորիս-Կապան ճանապարհին ստեղծված իրավիճակին. «Խորհրդային միության քարտեզների համաձայն՝ Հայաստանի Գորիս-Կապան ճանապարհի երկու հատվածները պատկանում են Ադրբեջանին, սակայն համաձայնություն է ձեռք բերվել, որ մինչև սահմանազատման գործընթացի սկսվելը, փոխադրամիջոցները երթևեկեն առանց արգելքի: Գորիս-Կապան ճանապարհի որոշ հատվածներում, ինչպես տեսնում ենք, ադրբեջանցի ոստիկաններն ու սահմանապահները արդեն մի քանի օր է կանգնեցնում են իրանական բեռները Հայաստան տեղափոխող վարորդներին՝ որպես մաքսատուրք որոշակի գումար գանձելով: Թերևս Ադրբեջանը օտարերկրյա տրանսպորտային միջոցների յուրաքանչյուր մուտք ու ելքի համար գանձում է ճանապարհային հարկ»,- ասել է դեսպանը: Նրա խոսքով՝ իրանական կողմը, այդ թվում դեսպանատունը, ջանքեր է գործադրում հարցի լուծման ուղղությամբ: «Մինչ այդ, Հայաստանի կառավարությունից ակնկալում ենք, որ Սյունիքում այլընտրանքային ճանապարհ կկառուցվի: Խոսքը Տաթևի ճանապարհի մասին է: Եվ իրանցի վարորդները բեռնափոխադրումները կկատարեն այս ճանապարհով՝ անվտանգ և ապահով պայմանններում»,- նշել է դեսպանը: