Հայտնի են դարձել Ռուսաստանի Դաշնության արտակարգ իրավիճակների նախարարության ղեկավար Եվգենի Զինիչևի մահվան մանրամասները: Ինչպես հայտնում է РБК- ն, ողբերգությունը տեղի է ունեցել Կիտաբո-Օրոն ջրվեժում, որը գտնվում է Պուտորանսկի արգելոցի արևմտյան մասում:
Զինիչևը մահացել է առավոտյան ժամը 7-ին՝ Նորիլսկից մեկնելուց ընդամենը 2 ժամ անց:
Ինչպես ավելի վաղ հաղորդվել էր, նախարարը տարածաշրջան էր ժամանել միջգերատեսչական ուսումնավարժանքի շրջանակներում, որի ընթացքում նկարահանվել էր նաև Արտակարգ իրավիճակների նախարարության ուսումնական ֆիլմը: Արտակարգ դրությունից անմիջապես առաջ Զինիչևը կանգնած է եղել ժայռի գագաթին՝ օպերատոր-կինոռեժիսոր Ալեքսանդր Մելնիկի հետ միասին, ով աշխատում էր Արկտիկայի և Հյուսիսային ծովային ճանապարհի զարգացման մասին վավերագրական ֆիլմի վրա:
Նկարահանումների ժամանակ 63-ամյա Մելնիկովը սայթաքել և ցած է ընկել անդունդից: Զինիչևն անմիջապես նետվել է՝ նրան փրկելու, սակայն բախվել է դուրս ցցված քարին: Երկու տղամարդն էլ մահացել են հիվանդանոցի ճանապարհին: