Իսպանիան հունիսի 7-ին բացել է սահմանները կորոնավիրուսի դեմ պատվաստումների ամբողջական կուրս ստացած զբոսաշրջիկների համար։ Այս մասին հայտնել է իսպանական RTVE հեռուստառադիոընկերությունը։
Նշվում է, որ Իսպամիայի սահմանը կարող են հատել նրանք, ովքեր պատվաստվել են Pfizer, Moderna, AstraZeneca և Janssen, ինչպես նաև Sinopharm և Sinovac-Coronavac դեղամիջոցներով:
Իսպանիայի առողջապահության նախարարության և ՆԳՆ-ի պատրաստած փաստաթղթում ասվում է, որ զբոսաշրջիկը, որը ցանկանում է ժամանել երկիր, պետք է նախապես հաստատի երկիր մուտք գործելուց առնվազն 2 շաբաթ առաջ պատվաստումների ամբողջական կուրս անցնելու մասին:
Ընդ որում՝ Իսպանիայի սահմաններն առայժմ չեն կարող հատել Բրազիլիայի, Հնդկաստանի և ՀԱՀ-ի քաղաքացիներն՝ բարդ համաճարակաբանական իրավիճակի պատճառով: