Ուկրաինայի՝ ՆԱՏՕ-ին անդամակցելու հարցը պետք է անհապաղ լուծել, քանի որ երկրի անկախությունը վտանգված է, Axios պորտալին տված հարցազրույցում հայտարարել է Ուկրաինայի նախագահ Վլադիմիր Զելենսկին:
«Կարծում եմ, որ եթե մեզ ողջունում են ՆԱՏՕ-ում, եթե նրանք իսկապես ցանկանում են մեզ տեսնել իրենց անդամների շարքում, ապա հեռադիտակով նայել, հեռավոր ապագան քննարկելն անիմաստ է: Հարցը պետք է անհապաղ լուծել։ Այժմ մենք վտանգի մեջ ենք, վտանգված է մեր անկախությունը, և հենց հիմա մեզ օգնություն է անհրաժեշտ»,- հայտարարել է նա։
Զելենսկիի խոսքով՝ Ուկրաինան ժամանակի ընթացքում կանդամակցի դաշինքին, սակայն երկրի քաղաքացիները գնալով ավելի քիչ են հավատում դրան: