Լրագրող, հրատարակիչ, News Media հոլդինգի հիմնադիր Արամ Գաբրիելյանովը Telegram-ալիքում գրել է․ «Փաշինյանը շատ ստոր խաղ է սկսել հայ ժողովրդի հետ։ Իմ տեղեկություններով՝ պատրաստվում է 2 փաստաթուղթ։ Մեկը պարզապես ոչ մի բանի մասին է, ամեն լավ բանի մասին։ Երկրորդը գաղտնի արձանագրություն է տարածքների, անկլավների հանձնման և Արցախի նկատմամբ հավակնություններից հրաժարվելու մասին։ Գաղտնի արձանագրությունը պատրաստում է անձամբ Փաշինյանը կնոջ հետ, գործին մասնակից են ՀՀ պաշտպանության նախարարն ու ադրբեջանցիների հաշվին ապրող Կարապետյանը։ Արտաքին գործերի նախարարությունն ու անձամբ Այվազյանը հեռու են փաստաթղթերի պատրաստումից»։