Համացանց

«Կանադս» երաժշտության կենտրոնի հիմնադիր և գործադիր տնօրեն Նիկա Բաբայանը ֆեյսբուքյան իր էջում գրել է. «Ինչպես պարզվեց, Սև լիճը կիսով չափ հարևանների տարածքն է: Ասում են՝ այսօր լճին հարակից տարածքը ռուսների հերոսական ջանքերով կիսվել է «եղբայրական» երկրների միջև:

Ու այդպես լինելու է ամենուրեք, որտեղ ոտք կդնի հարևանի ոտքը: Ռուսաստանն ու ՀԱՊԿ-ը արագ կվերականգնեն խաղաղությունը՝ մեր՝ անսպասելիորեն վիճելի դարձած տարածքի կեսը տալով հարևանին:

Հիմա հերթը Սևանինն է: Այնտեղ նույն քաոսն է նույն սցենարով, ինչ որ Սև լճի մոտ:

Ես տեղի ունեցածից պարզ հետևություն եմ անում:

Ռուսաստանը հասկացել է, որ Հայաստանի նկատմամբ ծաղրուծանակի չափն անցել է: Ծաղրածուն՝ ծաղրածու, բայց պարզվեց՝ Հայատանում, բացի այդ բարոյական հիվանդից, կան էլի մտածող մարդիկ, ովքեր սկսել էին օգնություն կանչել ԱՄՆ-ից, Ֆրանսիայից, Եվրոպայից՝ ընդդեմ Ռուսաստանի ու նրա ստրատեգիական դաշնակիցներ Ադրբեջանի ու Թուրքիայի ապօրինությունների:

Հարցը հասավ նրան, որ Ֆրանսիան խոստացավ ՄԱԿ ԱԽ-ում բարձրացնել Ադրբեջանի ապօրինի գործողությունների հարցը: Այս պարագայում Ռուսաստանը նախընտրեց մի թեթև տեղից շարժվել՝ հօգուտ Հայաստանի, ձեռքի հետ էլ ՀԱՊԿ-ն աշխուժացավ:

Ռուսներն, իհարկե, չեն ուզում նեղացնել իրենց դաշնակցին և մեր հաշվին նրան նվիրեցին մեր հողերից հերթական չափաբաժին:

Ու հիմա ձեզ կներշնչեն, թե Ռուսաստանը հերթական անգամ փրկեց Հայաստանին ու կփրկի այնքան, մինչև Հայաստանից շատ քիչ բան կմնա:

Հիմա նաև մեզ կներշնչեն, որ ստորություն է փոխել «հավատարիմ» Ռուսաստանին ինչ-որ ԱՄՆ-ով կամ Ֆրանսիայով, կամ մնացյալ քաղաքակիրթ աշխարհով:

Աստված իմ, մեզ մի օր թույլ կտա՞ն հանգիստ ապրել ու բարեկամություն անել նորմալ երկրների հետ»: