Խնդրում ենք սպասել...

Միջազգային

Բացահայտվել է արքայազն Ֆիլիպի մահվան պատճառը

21:36, չորեքշաբթի, 05 մայիսի, 2021 թ.
Բացահայտվել է արքայազն Ֆիլիպի մահվան պատճառը

Էդինբուրգի դուքսի մահվան վկայականում նշվել է, որ Մեծ Բրիտանիայի թագուհի Եղիսաբեթ 2-րդ-ի ամուսինը 99 տարեկան հասակում մահացել է «ծերությունից», հաղորդում է Daily Mail-ը:
     Ծերությունը կարող է համարվել մահվան հիմնական պատճառ, եթե այդ պահին հանգուցյալն ավելի քան 80 տարեկան է եղել, և եթե երկար ժամանակ հիվանդի մասին հոգացող բժիշկը ֆիքսել է նրա առողջության աստիճանաբար անկումը, նշում են բրիտանական ԶԼՄ-ները:
     Արքայազն Ֆիլիպի մահվան վկայականում նշվում է նրա հունական ծագումը, ինչպես նաև նրա ամբողջական անունը՝ «Նորին թագավորական մեծություն Արքայազն Ֆիլիպը, Էդինբուրգի դուքսը, նախկինում հայտնի Հունաստանի և Դանիայի արքայազն Ֆիլիպոսն, ավելի վաղ հայտնի էր որպես Ֆիլիպ Մաունթբեթեն»:
     Մեծ Բրիտանիայի թագուհու ամուսինն՝ արքայազն Ֆիլիպը, ապրիլի 17-ին հուղարկավորվել է Վինձորի դղյակում գտնվող Սուրբ Գեորգիի մատուռում:

| | |
4489 | 0
Facebook