ՄԱԿ-ում անհիմն են անվանել Հայաստանում ՅՈՒՆԻՍԵՖ-ի ներկայացուցիչ Մարին Քլարկ-Հաթինգին ուղղված մեղադրանքները: Այս մասին լրագրողների հետ ճեպազրույցի ժամանակ հայտարարել Է ՄԱԿ-ի գլխավոր քարտուղարի պաշտոնական ներկայացուցիչ Ստեֆան Դյուժարիկը:
«Նրա հասցեին մեղադրանքներն անհիմն են, և մենք ակտիվորեն կպաշտպանենք նրան»,- հայտարարել է Դյուժարիկը:
Բացի այդ, Դյուժարիկը հայտարարել է, որ ՅՈՒՆԻՍԵՖ-ի և Հայաստանի կառավարության միջև պայմանավորվածություն է ձեռք բերվել՝ այս ամիս Հայաստանում ՅՈՒՆԻՍԵՖ-ի ներկայացուցչի պաշտոնում Մարին Քլարկ-Հաթինգի առաքելության ավարտի մասին։
Նա Քլարկ-Հաթինգին անվանել է բարձր որակավորում ունեցող պրոֆեսիոնալ։
Ավելի ուշ, նա այլ տեղ կմեկնի առաքելության։
Դյուժարիկը նշել է նաև, որ ՅՈՒՆԻՍԵՖ-ը Հայաստանում աշխատում է 1993 թվականից սկսած և սերտ, արդյունավետ գործընկերային հարաբերությունների մեջ է կառավարության հետ: