Ադրբեջանի գլխավոր շտաբի պետը հայտարարվել է ՌԴ ԳՀՎ գործակալ։ Այս մասին հայտնել Է WarGonzo լրագրողական նախագծի հեղինակ Սեմյոն Պեգովը՝ հղում անելով իր աղբյուրներին Ստամբուլից։ ԶԼՄ-ների տվյալներով՝ թուրք գեներալները ծառայությունից հեռացրել են ադրբեջանցի հրամանատար Նաջմեդդին Սադիկովին։
«Տեղեկություն կա, որ նա գտնվում է փախուստի մեջ։ Ռուսաստանում դեռ Սադիկովին չեն տեսել, նրա հետ չեն կարողանում կապ հաստատել նույնիսկ ազգականները»,- ասել է Պեգովը։
Նա նաև հավելել է, որ մեկ ամիս առաջ Սադիկովը կոնֆլիկտ է ունեցել ժամանած թուրք խորհրդականների հետ․ «Եթե մենք թուրքերին բանակ ենք տալիս, գուցե մեր կանանց էլ ենք տալիս»,- ասել է նա։