Իրադարձություններ

Արդեն հայտնել էինք, որ այսօր մի խումբ անձինք բողոքի ակցիա են իրականացնում Կենտրոնական բանկի դիմաց՝ պահանջելով, որ լիցենզիայից զրկեն վարկային կազմակերպություններին։

Ակցիայի ընթացքում լարված իրավիճակ ստեղծվեց ոստիկանների և հավաքվածների միջև: Ոստիկաններն ակցիայի մասնակիցներին հեռացրին Կենտրոնական բանկի մուտքի մոտից: Կան բերման ենթարկվածներ։

Քաղաքացիները պատնեշ էին կազմել՝ թույլ չտալով, որ մասնակիցներին բերման ենթարկեն, սակայն ոստիկանական մեքենաները ճեղքելով պատնեշը, բաժանմունք տարան մի խումբ մասնակիցների:

«Հարգելի՛ պատգամավորներ, նստած իրար եք ուտում, գնացե՛ք հարց լուծեք: Զինվորականները վարկի տակ ճռռում են: Ձեր անձնական խնդրից էն կողմ բան չեք տեսնում»,- միջադեպից հետո ասաց ցուցարարներից մեկը:

Նրանք հորդորեցին ՄԻՊ-ին, որ պաշտպանի ակցիայի ժամանակ բերման ենթարկվածների իրավունքները:

Հավաքվածներն ուղևորվեցին ոստիկանական բաժանմունք, որտեղ բերման էին ենթարկվել ակցիայի մի խումբ մասնակիցներ: