Համացանց

ԱՄՆ-ում և Եվրոպայում նավթավերամշակման գործարանները հրաժարվում են Սաուդյան Արաբիայից իջեցված գներով հավելյալ ծավալների նավթի ձեռք բերումից, գրում է Wall Street Journal-ը՝ վկայակոչելով աղբյուրներին:

Ըստ թերթի՝ Սաուդյան Արաբիան գտնվում է դժվար իրավիճակում՝ կապված նավթի նոր գնորդներ գտնելու հետ: Դա բացատրվում է նրանով, որ գնորդները բախվում են պահեստային տարածքների բացակայության խնդրին, ինչը նրանց համար ավելի է բարդացնում վառելիքի նոր ծավալի ձեռքբերումը:
     Ըստ թրեյդերների՝ նավթի պահանջարկն ընկել է Հնդկաստանում, ինչը կապված է կորոնավիրուսի շուրջ ստեղծված իրավիճակի հետ:
     Միևնույն ժամանակ, Ռուսաստանը կարողացել է վերսկսել իր մատակարարումները դեպի Չինաստան, որտեղ նավթի պահանջարկը վերականգնվում է:
     Համաձայն հոդվածի՝ նավթի գների անկումը ուղղված էր ուղղակիորեն Ռուսաստանի շուկայի մասնաբաժնի ձեռքբերմանը, մասնավորապես՝ եվրոպական երկրներում։