Անցած հանգստյան օրերին համացանցի ռուսական տիրույթում հազարավոր գրառումներ արվեցին, որոնցում իբրև թե տեղեկացնում էին այն մասին, որ Պուտինը ավելի քան 500 առյուծ է փողոց հանել, որ մարդիկ ստիպված տանը մնան ու կորոնավիրուսը չտարածվի: «Լուրը» տարածողները հրապարակում էին քաղաքային տեսարանի ետնապատկերին նկարված առուծի լուսանկարը՝ իբրև ապացույց:
Պարզվել է, սակայն, որ այդ լուսանկարն արվել է 2016 թվականին՝ Յոհանեսբուրգում: Լուսանկարում Կոլումբ անունով առյուծն է, ով վարժեցված է և մասնակցում է ֆիլմի նկարահանումներին: