Թանկարժեք դագաղների այս շարքերն այժ տարածվում են սոցցանցերում՝ իբրև ապացույց Իտալիայում տիրող աղետալի վիճակի: Լուսնկարները, սակայն, արվել են 2013 թվականի հոկտեմբերին: Հենց այդ թվականին՝ հոկտեմբերի 3-ին իտալական Լամպադուզա կղզուց ոչ հեռու խորտակվել էր փախստականներով գերծանրաբեռնված փոքրիկ նավը: 20 մ երկարություն ունեցող նավի վրա դեպի Եվրոպայի բաղձալի ափեր լողալիս է եղել ավելի քան 500 փախստական, սակայն նավի վրա հրդեհ է բռնկվել: Միայն մի քանի մարդու է հաջողվել լողալ միչև ափ, մի քանիսին հաջողվել է դուրս հանել ջրից նավաբեկության վայրում: Ընդհանուր առմամբ՝ զոհվել է 368 մարդ՝ Լիբիայից, Էրիթրեայից, Սոմալիից:
Իտալիայում քրեական գործեր են հարուցվել՝ խորտակվողներին ժամանակին օգնության չհասնելու համար: Մի շարք միջոցներ են ձեռարկվել՝ նմանատիպ հետագա ողբերգությունները կանխելու համար: Հանգուցյալներին թաղել են այս թանկարժեք դագաղներում:
Այժմ, սակայն, որոշ շրջանակներ լուսանկարները ներկայացնում են իբրև Իտալիայում կորոնավիրուսով պայմանավորված աղետալի վիճակի ապացույց:
Հավելենք, որ Իտալիայում կորոնավիրուսից մահացել է ավելի քան 11 հազար մարդ, նրանց դիերը կամ դիակիզում են, կամ փակ դագաղով թաղում՝ հարազատներին թույլ չտալով բացել դագաղն ու վերջին անգամ տեսնել իրենց հարազատներին: Սա հոգաբանական առումով շատ ծանր, բայց նաև անհրաժեշտ միջոցառում է՝ հանգուցյալից վարակի տարածումը կանխելու նպատակով:
