Այսօր ոսկու համաշխարհային գինը նոր ռեկորդ է սահմանել՝ հատելով 2013-ից ի վեր ամենաբարձր ցուցանիշը: Սակարկությունների ընթացքում այն հասել է մինչև 1.588,13 դոլարի մեկ ունցիայի համար: Պալադիումի գինը հասել է իր պատմական ռեկորդին՝ հատելով 2030,28 դոլարը՝ մեկ ունցիայի համար:
Ներկա դրությամբ ոսկու գինը մեկ ունցիայի համար կազմում է 1,561,21 դոլար, պալադիումի գինը՝ 2,025,054 դոլար մեկ ունցիայի դիմաց:
Հիշեցնենք՝ իրավիճակը Մերձավոր Արևելքում սրվեց, երբ հունվարի 3-ին սպանվեց Իրանի Իսլամական հեղափոխության պահապանների կորպուսի «Ղոդս» հատուկ ստորաբաժանման հրամանատար Ղասեմ Սուլեյմանին։