Արդեն գրեթե 30 տարի է՝ իտալական միջնադարյան փոքրիկ Գուբբիո քաղաքը՝ տեղակայված Ինջինո լեռան լանջերին, իր տեղն է պահպանում Գինեսի ռեկորդների գրքում՝ որպես աշխարհի ամենամեծ տոնածառն ունեցող քաղաք:
750 մետր բարձրություն և 450 մետր լայնություն ունեցող տոնածառը տեղակայված է լեռան լանջին: Նրա 700 հսկայական լույսերն առաջին անգամ վառվել են 1981 թվականին: 1991-ին այն Գինեսի ռեկորդների գրքի կողմից ճանաչվել է որպես աշխարհի ամենամեծ տոնածառ: այս տոնածառի վրա ծախսվել է 8,5 կմ մալուխ:
2010 թվականից սկսած՝ տոնածառի լույսերի էլեկտրականությունն արտադրվում է արևային էներգիայի հաշվին: