Հետաքրքիր է

Շատ տանտիրուհիներ բախվել են խնդրի, երբ առանց լաքաների հագուստը գցում են լվացքի մեքենայի մեջ, իսկ այնտեղից արդեն հանում են մոխրագույն լաքաներով պատված անպետք լաթ: Այդ լաքաներն, ի դեպ, չեն վախենում սովորական լաքահանիչներից և շատ հաճախ մայրիկներն ստիպված են լինում սիրելի հագուստը դեն նետել: Առաջինն, ինչն անցնում է անտեղյակ մարդկանց մտքով, լվացքի մեքենայի խոտանն է: Սակայն իրականում մոխրագույն լաքաների պատճառը երեխաների սիրելի զվարճանքներից մեկն է՝ օճառե պղպջակները: Ընդ որում, լաքաներ են առաջացնում հիմնականում չինական արտադրության պղպջակները: Պատճառը թաքնված է պղպջակների բաղադրության մեջ, որում առկա է գլիցերին: Երբ երեխաները խաղում են պղպջակներով, նրանց հագուստի վրա ոչ մի լաքա չի երևում: Սակայն երբ դրանք լվանում ենք, գլիցերինը ռեակցիայի մեջ է մտնում մաքրող միջոցներում առկա դոնդողի հետ, ինչից էլ առաջանում է լաքան:

Ուստի, եթե երեխաները խաղացել են պղպջակներով, ապա նրանց հագուստը նախ պետք է լվանալ սովորական ջրով՝ առանց որևէ մաքրող միջոցի: Կարելի նաև լվանալ լիմոնաջրով, այնուհետև նոր լվանալ մաքրող միջոցով: Ի դեպ, պղպջակների պատճառով շատ հաճախ դժվարանցանելի կամ առհասարակ չմաքրվող բծեր են հայտնվում կտորե կահույքի վրա: Այդ դեպքում լաքաների հատվածը պետք է մաքրել ջրով, ապա՝ կահույքի լաքահանիչով կամ տնտեսական օճառով:

Եթե արդեն լվացող միջոցով լվացել եք հագուստն ու ստացել մոխրագույն բծեր, ապա կարելի է փորձել եռացնել հագուստը լաքահանիչ նյութի հետ միասին: Այս մեթոդը երբեմն օգնում է փրկել սիրելի հագուստները: