Համացանց

Քրդագետ, թուրքագետ Կարեն Հովհաննիսյանը ֆեյսբուքյան իր էջում գրել է. «Պաշտոնական Բաքուն, այսպես ասած, խոստովանել է, որ Վրաստան-Ադրբեջան սահմանազատման գործում ունեն տարաձայնություններ:
     Ըստ Ադրբեջանի ԱԳ փոխնախարար ՂալաՖ Ղալաֆովի` շարունակվում են ադրբեջանա-վրացական պետական սահմանի սահմանազատման ուղղությամբ աշխատանքները և այս հարցը գտնվում է քաղաքական ղեկավարության օրակարգում:
     Վրաստանի հետ կան որոշակի անհամաձայնություններ և պետք է կրկին որոշ փաստաթղթեր վերանայվեն:
     Չնայած այն բանին, որ երկու երկրների փորձագետները բազմաթիվ հանդիպումներ են ունեցել, սակայն որևէ արդյունք չեն գրանցել և նախատեսվում է, որ մինչև տարեվերջ Թբիլիսիում փորձագետները նորից կհանդիպեն արխիվային որոշ նյութեր ուսումնասիրելու համար:
     Վրաց-ադրբեջանական պետական սահմանի սահմանազատման գործում առաջ եկած խնդիրների և տարաձայնությունների համար Բաքվի քաղաքական ղեկավարությունը կրկին մեղադրանքներ է հնչեցրել հայերի նկատմամբ և հայտարարել, որ հայերը գնացել են սադրանքի, ինչի արդյունքում այդ խնդիրը չի լուծվում»: