Ամերիկյան նավթագազային Exxon Mobil կորպորացիան ծրագրում է վաճառել 25 միլիարդ դոլար արժողությամբ նավթի և գազի հանքավայրերը, որոնք գտնվում են Եվրոպայում, Ասիայում և Աֆրիկայում, հայտնում է Reuters-ը՝ վկայակոչելով բանկային շուկայում երեք աղբյուրներին, որոնք ծանոթ են ընկերության ծրագրերին:
Ընկերությունը պլանավորում է ակտիվների վաճառքից միջոցներն ուղղել մի քանի խոշոր նախագծերի իրականացմանը:
Վերջին ամիսներին Exxon-ն արդեն կնքել է մի շարք գործարքներ, այդ թվում՝ Նորվեգիայում վաճառելով 4,5 միլիարդ դոլար արժեքով ակտիվներ, ինչպես նաև առաջարկում է ակտիվներ Ավստրալիայում, Նիգերիայում և Մալայզիայում: